Është zhvilluar me tensione gjyqi për çështjen CEZ-DIA ku Kastriot Ismailaj akuzohet që nëpërmjet falsifikimit të dokumenteve ka përvetësuar një shumë prej afro 5 milionë eurosh, nga fondi që kishte mbledhur për llogari të faturave të papaguara të CEZ-it.
Dëshmitari Romeo Kara ka deklarua në seancë se Kastriot Ismailaj ka mashtruar në nënshkrimin e kontratës midis CEZ e DIA.
Me pretendimin se nuk dëgjonte përtej xhamit të blinduar që ndan vendin ku mbahen të pandehurit me ambientin e sallës së gjyqit, i akuzuari Ismailaj ka kërkuar me tone të ashpra shtyrjen e seancës, pasi nuk mund të zhvillohej një proces në të tilla kushte.
Romeo Kara është dëshmitari kryesor në procesin ndaj ish-administratorit të DIA-s, Kastriot Ismailaj.
Policia i ka ofruar mbrojtje ish-juristit të CEZ-it, Romeo Kara pasi ky i fundit është ndjerë i kërcënuar për shkak të dëshmisë kundër Kastriot Ismailajt.
