Ministria e Shëndetësisë ka sqaruar sot se gjendja shëndetësore e personave që ndodhen në burgje, dhe që janë prekur nga koronavirusi, është e stabiluzuar. Ministriia e Shëndetësisë bëri të ditur se gjendja në këto institucione ku janë shfaqur rastet është në monitorim, raporton Abcnews.
Lidhur me testimet, Ministria e Shhëndetësisë raporton se referuar hetimit epidemiologjik testohen personat që janë kontakte të pacientëve të konfirmuar me Covid-19.
“Janë testuar persona referuar hetimit epidemiologjik dhe ka rezultuar se ka pasur qytetarë pozitiv ndaj Covid-19, por që janë asimptomatikë. Këto raste janë zbuluar pas gjurmimit të kontakteve të personave që kanë rezultuar pozitivë më parë me Covid-19”, shprehen burime zyrtare për Abcnews nga Ministria e Shëndetësisë.
Përsa i takon përhapjes së koronavirusit, Ministria e Shëndetësisë tha se nuk ka një përhapje komunitare, por në grupe të caktuara.
