Pas Infektivit te “Nënë Tereza” dhe spitalit “Shefqet Ndroqi”, në vend do të shtohet një tjetër spital, ku do të kurohen personat e prekur nga COVID 19.
Bëhet fjalë për përshtatjen e godinave të ish-kirurgjive në QSUT në spitalin COVID 3.
Ministrja Ogerta Manastirliu bëri me dije se kjo bëhet për të rritur kapacitetet e sistemit shëndetësor në përballimin e situatës së shkaktuar nga COVID 19.
Njëherësh, shtoi ajo, po ndërmarrim një plan masash për hapjen me faza të sistemit shëndetësor.
https://www.facebook.com/OgertaManastirliu/videos/235278957678544/
Ministria e Shëndetësisë njoftoi sot rritjen në 712 të numrit të personave që janë prekur nga koronavirusi në vend, me 34 raste të reja në 24 orët e fundit, shifër rekord kjo e shënuar në vend që nga identifikimi i rasteve të para.
