Teksa vitet kanë kaluar dhe dëmtimet kanë bërë punën e tyre, tashmë Manuel Neur nuk është më ai portieri që dikur konsiderohej më i miri në botë.
Forma e 34-vjeçarit është diskutuar shumë kohët e fundit sidomos pas rikthimit nga dëmtimi i rëndë që pwsoi. Kështu si rrallë herë, Bayern Munchen në sezonin e ardhshëm do të ketë një konkurrencë të paparë në portë. Vendin e titullarit, kapitenit të Bayernit ia rrezikon Alexander Nubel, i transferuar jo me pak bujë nga Schalke 04.
I pyetur për këtë temë, trajneri i bavarezëve, Hansi Flick, ka sqarur gjithçka dhe ka deklaruar se Manuel Neuer do të mbetet numri një në skuadër.
“Është e qartë se Manuel është numri një i yni. Asgjë nuk do të ndryshojë. Nubel e di këtë, sikurse e di që besimi ynë nuk do i mungojë. Duam që të përmirësohet, por gjithçka do varet nga performancat e tij”. ka deklaruar trajneri Hansi Flick për “Kicker”.
