Ministrja e Arsimit, Besa Shahini, e ftuar në “Open” ka folur lidhur me rihapjen e shkollave pasi mbylljes për shkak të koronavirusit. Në fjalën e saj, Shahini foli edhe për Universitetet në vend.
Shahini tha se universitetet kanë autonomi në vendimmarrje, por nga diskutimet që kishte pasur me rektorët, me shumë mundësi viti do të mbyllej pasi provimet jepen në korrik.
“Universitetet kanë një lloj autonomie në vendimarrje dhe ekonomike. Kemi biseduar me rektorët dhe ata kanë shprehur vullnetin për ta mbyllur këtë vit shkollor. Besoj se provimet dhe diplomat që do të jepeshin në korrik, po ashtu do të bëhet edhe këtë vit. Nuk besoj se mund të ketë një shtyrje,”- tha Shahini
