Përplasje të dhunshme në periferi të Francës ku policia sipas banorëve ka ndërhyrë dhunshëm në zbatim të masave në kuadër të pandemisë se covid 19. Për disa net rresht tensionet kanë përfshirë rrugët e lagjeve më të varfra të vendit duke çuar në përplasje të dhunshme mes banorëve dhe policisë.
Dhuna nisi pas incidentit me një motoçiklsit 30 vjeç që mbeti i plagosur pasi u përfshi në konflikt me policinë. Aksidentalisht ai përplasi një makinë policie ndërsa një video e shpërndarë në rrjetet sociale tregon 30 vjeçarin të shtrirë në tokë pas ndërhryjes së dhunshme të policisë.
Incidenti ndezi tensionet në periferi të Parisit dhe që atëherë janë përhapur më tej edhe në veri të vendit. Qeveria e Francës thuhet se po vëzhgon situatën, por kur Ministri i Brendshëm Christophe Castaner foli në TV, ai tha se trazirat aktuale nuk krahasohen me trazirat e 2005.
“Këto janë tensione që nuk janë të një niveli të jashtëzakonshëm,” tha ai, megjithëse ai pranoi se dhuna po përhapet.Ai i tha Euroneës se incidenti i së Shtunës është vetëm një shembull i asaj që rinjtë në periferitë e Francës kanë përjetuar për një kohë të gjatë.
Të varfrit e Parisit janë goditur më shumë nga kriza pasi kanë humbur punën ose nuk janë në gjendje të kryejnë aktivitetet joformale ekonomike që më parë u kanë mundësuar atyre të ushqejnë familjet e tyre.
