Janë shëruar dhe 9 pacientë të infektuar me Covid-19 në qarkun e Kukësit.
Ata kanë rezultuar negativ në testin konfirmues të kornavirusit.
Negativ doli edhe infermieri i Urgjencës, i infektuari i parë në Kukës, i cili la edhe ambientet e spitalit infektiv të Tiranës.
Vatra në Kukës u izolua tërësisht duke mbetur në kuotën e 11 të prekurve nga të cilët 10 tashmë rezultuan negativë.
Me shfaqjen e rasteve të para në Kukës u zhvilluan rreth 165 teste por fatmirësisht duket se gjithçka flet me shenja optimizmi për të dalë edhe Kukësi nga harta e Covid-19.
