Gjyqtarja e Gjykatës së Apelit, Fatmira Hajdari, ka dhënë dorëheqjen nga gjykimi i kryedemokratin Lulzim Basha, ish-sekretarit të Përgjithshëm Arben Ristani dhe financierit të PD-së Ilir Dervishi për çështjen e lobimit rus.
Fatmira Hajdari ka njoftuar në seancën e parë gjyqësore se kërkesën e saj do t’ia paraqesë kryetarit të Gjykatës.
Fatmira Hajdari e ka argumentuar dorëheqjen me faktin që çështja të mos paragjykohet. Seanca e radhës do të zhvillohet me 30 prill, ora 10:00.
Gjyqtarja Hajdari, ish-bashkëshorte e Azem Hajdarit u zgjodh me short për të kryesuar trupën, nëpërbërje të cilësës ishin dhe Alaudin Malaj dhe Shpresa Beçaj, që do të shqyrtonte apelimin prokurorisë ndaj vendimit të marrë nga gjyqtari Lazër Sallaku që pushoi hetimin ndaj kryedemokratit Basha.
Gjyqtari Lazër Sallaku i cilësoi provat të pavlefshme duke rrëzuar akuzën për falsifikim kundër Lulzim Bashës dhe dy zyrtarëve të tjerë të PD-së, pasi sipas tij nuk faktohet një gjë e tillë.
Prokuroria nuk ishte dakord dhe vendosi ta apelonte ndërkohë që grupi i prokurorëve u nda në dy qëndrime ku njëri prej tyre, Kol Hysenaj, kërkoi rikthim të akteve për vijimin e hetimeve ndërsa tjetri vazhdimin e gjykimit.
