Publicisti Kim Mehmeti në një postim në rrjetet sociale shkruan se burrështetasit shqiptarë funksionojnë si shtyllat e drunjta elektrike që mbështesin njëra tjetrën në formën e shkronjës ‘A’!
“”Duhet ta pranoj: jam i ‘mrekulluar’ nga lehtësia me të cilën Presidenti dhe Piktori i ‘Rilindjes’ arrijnë pajtueshmëri lidhur me miratimin e ligjeve ndëshkues kundër atyre që do mund ta ‘infektonin’ popullin!”, shkruan Mehmeti.
Në vijim ai shkruan se disa thonë se kjo pandemie është duke ia sjellë një të mirë Shqipërisë: është duke e ringjallë ‘vëllazërinë’ e vjetër mes Piktorit të ‘Rilindjes’ dhe Presidentit të sotëm të vendit, e të cillën, si çdo vëllazëri, në vend që ta dobësojnë, armiqësitë e herë pas hershme të ndërsjella, vetëm e forcojnë atë!
Nga Kim Mehmeti
Burrështetasit shqiptarë funksionojnë si shtyllat e drunjta elektrike që mbështesin njëra tjetrën në formën e shkronjës ‘A’!
“Duhet ta pranoj: jam i ‘mrekulluar’ nga lehtësia me të cilën Presidenti dhe Piktori i ‘Rilindjes’ arrijnë pajtueshmëri lidhur me miratimin e ligjeve ndëshkues kundër atyre që do mund ta ‘infektonin’ popullin!
Dhe mahnitja ime rritet kur vërej gatishmërinë e mbrojtësit të përbetuar të Kushtetutës së vendit- Presidentit të Shqipërisë – që t’i shpallë si “praktika normale’ marrjen dhe dhunimin e të drejtave të shqiptarëve, si të ishin ato pronë e autokratit të Surrelit, i cili sa nuk ka filluar që shqiptarëve t’ua ‘dhurojë’ ato të drejta varësisht nga ngjyra e syve që ata kanë?!
Disa thonë se kjo pandemie është duke ia sjellë një të mirë Shqipërisë: është duke e ringjallë ‘vëllazërinë’ e vjetër mes Piktorit të ‘Rilindjes’ dhe Presidentit të sotëm të vendit, e të cillën, si çdo vëllazëri, në vend që ta dobësojnë, armiqësitë e herë pas hershme të ndërsjella, vetëm e forcojnë atë!
Sidoqoftë popullit duhet thënë të vërtetën se gjatë historisë sonë kombëtare, shpeshherë ka ndodhur që ‘sëmundjet’ e popullit, të kenë qenë shumë shëndetdhënëse për burrështetasit tanë!
Pastaj duhet shpjeguar popullit se elitat e sotme politike shqiptare funksionojnë si ato shtyllat e drunjta elektrike që mbështesin njëra tjetrën në formën e shkronjës ‘A’ , e që kur kalbet e rrëzohet njëra, bie edhe tjetra!
Dhe këtë e dinë politikanët tanë, andaj edhe kur armiqësohen mes veti, ata kujdesen që të mos bien ‘shtyllat’ e të këputen ‘telat’ që përcjellin ‘energjinë’ që ata i mbanë në këmbë edhe atëherë kur populli është i rrëzuar!”
