Një ditë më parë Romelu Lukaku, sugjeroi se klubi i Interit, nuk kishte bërë mjaftueshëm për të mbrojtur lojtarët nga COVID-19.
“Në janar, 23 nga 25 lojtarët ishin të sëmurë, kush e di nëse ishte coronavirus”, ishte deklarata e belgut.
Ashtu siç pritej, kjo deklaratë e Romelo Lukakut, e cila bëri bujë në mediat italiane, nuk mund të kalonte në heshtje nga Inter. Zikaltërit nuk preferuan të reagojnë publikisht, të kritikojnë hapur sulmuesin belg për këtë deklaratë, por sipas “La Gazzetta dello Sport”, Inter i ka “tërhequr veshin” Lukakut.
Tani, “La Repubblica” pretendon se sulmuesi i ka kërkuar falje zikaltërve dhe besohet se megjithëse ai k thyer kodin e sjelljes së klubit nuk do të gjobitet në asnjë formë.
Lukaku ka shënuar 23 gola në 35 paraqitje për Inter-in këtë sezon, duke siguruar dhe pesë asiste.
