Infeksioni i krijuar nga COVID-19 nuk sulmon vetëm mushkëritë, por edhe zemrën, enët e gjakut, veshkat, sytë dhe trurin e njeriut. Është një sëmundje sistematike që prek të gjithë organizmin. Ky është raporti i revistës shkencore “Science”, sipas të cilës virusi që ka pushtuar botën sillet ndryshe nga çfarëdolloj sëmundjeje patogjene të parë deri më tani.
Virusi arrin të depërtojë në organizëm nëpërmjet rrugëve të frymëmarrjes dhe sapo arrin të penetrojë, shumëfishohet dhe pushton qeliza të tjera. Një person i infektuar me COVID-19 mund të infektojë të tjerë edhe duke qenë asimptomatik ose dhe duke shfaqur temperature, kollë të thatë, dhimbje fyti, dhimbje koke dhe trupi. Por në disa persona, gjendja fillon të përkeqësohet papritmas duke shfaqur atë që quhet “sindroma e stresit respirator akut”, ku niveli i oksigjenit në gjak bie dhe frymë-marrja bëhet gjithmonë e më e vështirë, duke e çuar shpesh-here pacientin drejt vdekjes.
Dëmet në veshka janë shfaqur në 59% të pacientëve të shtruar në Ëuhan, aty ku nisi edhe Pandemia e COVID-19. Sipas mjekëve, dëmet në organin e veshkave mund të vijnë si pasojë e aparateve respiratore ose të medikamenteve anti-virale të përdorura për të luftuar Korona-Virusin, ose në rastin e pacientëve që vuajnë nga diabeti, është një dëm kolateral që sjell dhe mos-funksionimin e tyre.
COVID-19 prek edhe trurin dhe sistemin nervor të njeriut. Tek pacientët e prekur nga ky virus janë vërejtur kriza epileptike, humbje e vetëdijes dhe iktuse. Edhe sistemi tretës është vulnerabël ndaj këtij virusi. 50% e pacientëve kanë shfaqur simptoma si diarre dhe të vjella.
Ndërkohë, shkencëtarët në Kinë kanë zbuluar mbi 30 mutacione të coronavirusit, që sipas tyre shpjegojnë edhe faktin se për se në disa pjesë të botës, përqindja e vdekshmërisë ka qenë më e lartë. Grupi kërkimor nga universiteti i Zhi-Jang, , tha se ekzistojnë prova se COVID-19 ka pësuar mutacione të patogjenit të tij.
