I ftuar tek Open, shefi i të djathtëve Lulzim Basha deklaroi se numri i testimeve duhet patjetër të rritet, ndonëse tha se ka pasur pak ndryshim nga ditët e para. Lidhur me rastet e fundit të konfirmuara në Krujë, Basha deklaroi se nuk I beson komitetit të teknikëve dhe se shifrat e të prekurve janë më të larta.
Ai tha se testimet mbahen të ulëta për të mos treguar dimensionet e vërteta të infeksionit.
Cili është qëllimi?
Problemi kryesor I qeverisë është se është pa plan. Sot është ,moment që të bëjmë një bilancë. Ne kemi 5 javë që kemi fokusuar energjinë tonë për të ndihmuar qytetarët. Qeveria për një kohë të gjatë humbi kohë të vlefshme për të marrë masa të nevojshme. Më vonë u përdor emergjenca për të bërë tendera sekret që kanë rezultuar korruptiv në rastet më të mëdha. Mund të testoheshin katër herë më shumë qytetarë nëse tenderat do të ishin bërë në kohë. Shqipëria kurrë nuk ka pasur një stok të mjaftueshëm.
