Skuadra e Arsenalit ka vendosur të shkurtojë me 12.5% pagat e futbollistëve të saj për t’iu përgjigjur situatës së turbullt financiare që ka shkaktuar pandemia e coronavirusit.
Siç raportohet nga mediat angleze, tre lojtarë të “Topçinjve” e kanë refuzuar këtë ide, një prej tyre është Mesut Ozil. Mesfushori gjerman me origjinë turke, e ka argumentuar vendimin e tij kështu: “E respektoj vendimin e klubit, por dua që të shoh impaktin e plotë të coronavirusit në financat e klubit dhe nuk dua të nxitohem të marr një vendim tani”.
Këto deklarata nuk i ka pritur aspak mirë gazetari i mirënjohur, Piers Morgan, i cili gjithashtu është një tifoz i skuadrës së Arsenalit. Morgan ka reaguar në emisionin e tij “Good Morning Britain”.
“Turp të kesh, Mesut Ozil, turp të kesh… Pra le ta sqarojmë këtë gjë. Në klub ka disa lojtarë të rinj që marrin shumë më pak se ty dhe ata e kanë shkurtuar pagën e tyre me 12.5%, një gotë uji në oqean krahasuar me pagën prej 350 mijë paundësh në javë që merr ti dhe ti refuzon pasi do të shikosh rezultatet financiare në fund? Me të vërtetë?!” –ka thënë Piers Morgan ndër të tjera.
https://www.youtube.com/watch?v=SsL9cx83pdc
