I pyetur për krahasimin mes Cristiano Ronaldos dhe Ronaldo brazilianin, Christian Vieri ka zgjedhur si më të mirin shokun e tij, “fenomenin”.
Duke iu përgjigjur pyetjes së “Daily Mail”, ai është përgjigjur:
“Jam shok me Ronaldo Fenomenin dhe jam shumë i lumtur që kam luajtur me të. I kishte të gjitha, shpejtësinë, shpërthimin dhe fuqinë. Dukej sikur kërcente me topin”.
“Them se Fenomeni ishte më i mirë se Cristiano Ronaldo. CR7 është një makinë lufte dhe duhet admiruar për gjithçka që bën. Ai mund të luajë deri në 40 vjeç dhe me cigare në gojë. Fiziku i tij është i përsosur”, – tha italiani.
