Vendi ynë ka rënë me dy pozicione nga viti i shkuar në Indeksin e Shtypit të Reporterëve pa Kufij, duke u renditur tashmë të 84-tët.
Lidhur me këtë renditje ka ardhur dhe një reagim nga zëdhënësja e PD-së, Ina Zhupa, e cila shprehet se kryeministri Edi Rama e ka çuar Shqipërinë të klasifikohet pas shteteve si Kirgistani, Timori, Malta, Hong Kongu.
Në një postim në rrjetet sociale, ajo ka renditur disa nga arsyet që mund të kenë çuar në këtë klasifikim të Shqipërisë, duke filluar nga ligjin “anti-shpigje” e deri te gjuha kërcënuese dhe ofenduese e Ramës ndaj gazetarëve.
Postimi i plotë:
Shqiperia bie me dy vende ne Indeksin e Shtypit te Reporteve pa Kufinj.
Shqiperia eshte perkeqesuar perseri ne indexin e lirise se medias! Ka rene dy vende nga viti i shkuar, duke u renditur tashme ne vendin 84 nga 82 qe ishim vjet.
Rama e ka cuar Shqiperine te klasifikohet pas shteteve si Kirgistani, Timori, Malta, Hong Kongu.
Ligji “anti shpifje” i kundershtuar nga Keshilli i Europes por edhe nga organizma te tjere nderkombetar dhe shoqeria civile, gjuha kercenuese edhe ofenduese e Rames ndaj gazetareve edhe medias, shoqerimi ne polici me te padrejte e disa prej gazetareve me justifikimin e fake news, monopolizimi i aktiviteteve shtetetore tek ERTV, mos dhenia e informacionin zyrtar qe kerkon ligji jane disa nga arsyet qe mund te kene cuar ne kete klasifikim te Shqiperise.
Liria e shtypit eshte liria e njerezve!
