Kryeministri Edi Rama tha sot se brenda muajit maj do të miratohet amnistia fiskale. Ai tha se ka ardhur koha që shqiptarët të depozitojnë paratë në banka.
Kryeministri sqaroi se nga ky proces nuk do të përfitojnë ata që janë dënuar për veprimtari kriminale apo korrupsion, si dhe gjyqtarët e prokurorët, punonjësit e policisë dhe zyrtarët e lartë të administratës dhe politikanët.
Kreu i Qeverisë u shpreh se ato subjekte që janë proces i punës së OFL nuk mund të përfitojnë nga aministia fiskale.
Rama tha se amnistia do të ndahet në 3 fasha, ku në fashën e parë për depozimin e parave në banka do të paguhet 5 %, në të dytën 7 % dhe në të tretën 10 %.
“Gjithsesi niveli i përqindjeve është në proces diskutimi. Amnistia do të jetë fiskale dhe penale, pork jo nuk do të thotë se nuk do të ketë konseguenca në të ardhmen, përveç deklarimeve të rreme”, tha Rama.
