Betejën me COVID-19 në Itali e kanë humbur edhe 6 mjekë të tjerë, duke e çuar në 137 numrin e mjekëve në vend që kanë humbur jetën nga koronavirusi.
Lajmi u konfirmua nga Federata Kombëtare e Urdhrit të Mjekut Italian, që përditëson në mënyrë të vazhdueshme numrin e viktimave, përfshirë mjekët në aktivitet, në pension, të cilët janë thirrur për të shërbyer në vijën e parë të luftës kundër Covid-19.
Italia është një nga vendet më të goditura nga pandemia e COVID-19. Ajo renditet e dyta në botë për numrin e viktimave pas ShBA-së, pasi deri tani ka konfirmuar 23,660 të vdekur nga koronavirusi.
