Erling Haaland ka qenë një nga lojtarët më të lakuar në media për t’u transferuar dhe në janar kaloi nga RB Salzburg, te Borussia Dortmund. Një operacion merkatoje që kapi shifrat e 45 milion eurove, pasi 20 milionë shkuan për klubin, 15 për menaxherin Mino Raiola dhe 10 për babanë e sulmuesit.
Tani për shërbimet e Haaland është futur edhe Real Madrid, që mund ta kishte marrë në janar dhe tani nuk mund ta blejë pa 75 milion euro. Norvegjezi, i cili është vetëm 19 vjeç, në Gjermani ia ka dalë të realizojë 12 gola në 11 ndeshje të luajtura. Shifrat flasin vetë.
Real Madrid nga ana tjetër kritikohet nga një ish-lojtar i tyre, i cili ishte pjesë e “Galaktikëve”. Luis Figo, për “Movistar +” është shprehur:
“Haaland është një lojtar i shtrenjtë tani. Ai ka shënuar shumë gola dhe duket i destinuar për gjëra të mëdha. Por Real Madrid duhet të kishte nënshkruar me të përpara se të bashkohej me Dortmundin, këtu dallohet aftësia e klubit për të gjurmuar talentet”.
