Policia e Dibrës ka finalizuar operacionin e koduar “Ulëza” që çoi në arrestimin e 2 personave me akuzën e kultivimit të lëndëve narkotike.
Gjatë operacionit u kapën dhe u ndaluan dy pjesëtarë të grupit, si dhe u ekzekutua masa për një pjesëtar tjetër, i cili ndodhet në burg për dhunë në familje.
“Në vijim të operacionit policor të koduar “Ulëza”, të nisur në nëntor 2019,mbrëmjen e djeshme janë kapur dhe vënë në pranga edhe dy pjesëtarë të tjerë të grupit të akuzuar për kultivim të bimëve narkotike dhe konkretisht:
A. L., 42 vjeç dhe A. Gj., 39 vjeç, të dy banues në fshatin Baz, Mat, pasi Gjykata e Rrethit Gjyqësor Mat u ka caktuar masën e sigurisë “Arrest në burg”, për kryerjen e veprës penale “Kutivimi i bimëve narkotike”, kryer në bashkëpunim
Gjithashtu kanë bërë ekzekutimin e urdhrit të prokurorit, për shtetasin M. Gj., 55 vjeç, banues në fshatin Baz, i cili aktualisht është duke vuajtur dënimin në I.E.V.P. Burrel, për veprën penale “Dhuna në familje””, thuhet në njoftimin e policisë.
Në kuadër të këtij operacioni, më 12 nëntor 2019 janë arrestuar shtetasit R. T., 32 vjeç dhe N. T., 33 vjeç, banues në Ulëz
Po më 12 nëntor është arrestuar edhe shtetasi M. Gj., për dhunë në familje, por pas hetimeve me metoda proaktive rezultoi se është pjesë e këtij grupi në veprimtarinë kriminale të kultivimit të bimëve narkotike
Këta shtetas, në bashkëpunim me njëri – tjetrin, dyshohet se janë autorë të disa rasteve të tentativës për të kultivuar bimë narkotike në zonat malore të Njësive Administrative Ulëz dhe Baz, të cilat janë asgjësuar më parë nga Policia gjatë kontrolleve të territorit.
Operacioni vijon për identifikimin dhe kapjen edhe të personave të tjerë të përfshirë në këtë veprimtari kriminale.
