Në një postim në Twiter, kreu i Partisë Demokratike Lulzim Basha falederon Ambasadën Amerikane për ndihmën e dhënë Shqipërisë kundër luftës ndaj Covid-19.
Basha thotë se falë kësaj ndihme mundësohet rritja e numrit të testimeve dhe zbulimi e mbikëqyrja e personave të infektuar.
Deklarata
Kryetari i PD, Lulzim Basha, shpërndau në Twitter qendrimin e Shteteve të Bashkuara të Amerikës për domosdoshmërinë e rritjes së testimeve për të zbuluar dhe gjurmuar të infektuarit me COVID 19. Zoti Basha falenderoi SHBA për ndihmën prej 1.2 milionë usd kundër COVID-19. “Falë saj, mundësohet rritja e testimeve & aktivizimi i zbulimit dhe mbikqyrjes së të infektuarve dhe kontakteve të tyre.”- shprehet kreu i opozitës. Ai theksoi se “testimi është e vetmja mënyrë për të kuptuar përhapjen e virusit dhe projektuar rrugëdaljen nga kriza.”. Zoti Basha shpërndau postimin e ambasadores amerikane në Shqipëri Yuri Kim, e cila informon se ndihma amerikane 1.2 milionë usd do ta ndihmojë Shqipërinë në ngritjen e sistemit laboratorik, në aktivizimin e gjurmimit të rasteve të infektuara, mbështetjen e ekspertëve teknikë për të reagim dhe gatishmëri në shmangien e rrezikut. Ambasadorja amerikane citoi raportin e Departamentit të Shtetit, ku listohej se për çfarë do ta përdorë Shqipëria ndihmën amerikane prej 1.2 milionë usd. Nga ky raport kuptohet se Shqipërisë i mungon ky sistem, gjë që kryetari Basha e ka vënë në dukje shpeshherë gjatë këtyre javëve.
Postimi
Mirënjohje SHBA & @USAmbAlbania për ndihmën kundër COVID-19.Falë saj, mundësohet rritja e testimeve & aktivizimi i zbulimit dhe mbikqyrjes së të infektuarve & kontakteve të tyre.Testimi është e vetmja mënyrë për të kuptuar përhapjen e virusit dhe projektuar rrugëdaljen nga kriza.
