Detaje të reja janë zbardhur në lidhje me djegien e dy automjeteve të ish-kreut të Gjykatës së Elbasanit, Arben Vrioni mbrëmjen e kaluar. Ndër psitat e hetimit dhe më kryesore, mbetet ajo e kërcënimit apo hakmarrjes për shkak të detyrës që ka ushtruar ndër vite ish gjyqtari Vrioni.
Dinamika e ngjarjes:
Fillimisht autorët, të cilët ende nuk janë identifikuar, kanë siguruar informacion për vendnodhjen e dy automjeteve.
Veprimi i radhës ka qenë thyerja e një prej xhamave tek secili automjet, e më pas kanë hedhur lëndë djegëse duke i vënë zjarrin. Në këto moment, zona ka qenë e boshatisur për shkak të vetëizolimit nga Covid-19.
Më pas, autorët, të cilët dyshohet të moshës 18-23 vjeç, janë larguar në drejtime të ndryshme, duke u future nëpër rrugicat e Elbasanit.
Burime nga Grupi Hetimor bëjnë me dije se janë sekuestruar disa pamje filmike, si dhe prova në vendngjarje për të çuar më pas në identifikimin e autorëve.
Gjyqtari Arben Vrioni është banues në lagjen “Kongresi i Elbanit, në një nga pallatet në hyrje të Bulevardit “Aqif Pasha” pranë stadiumit “Elbasan Arena”.
Mjaft e vështirë mbetet qartësimi i pistave të hetimit por ndër më kryesoret mbetet ajo e kërcënimit apo hakmarrjes për shkak të detyrës që ka ushtruar ndër vite ish gjyqtari Vrioni.
