Alban Jusufi, ish-futbollist i Vllaznisë, tani i tërhequr nga futbolli, është dënuar nga Federata e Futbollit të Suedisë për trukim të ndeshjeve. Atij i është ndaluar çdo aktivitet në futboll për pesë vite.
Përveç Jusufit është dënuar edhe ish-futbollistii Manchester Cityt, Dickson Etuhu. Sipas federatës, ata janë munduar të bindin një lojtar që mos të jap më të mirën në ndeshje, përkatësisht të lëshoj ndeshjen.
Gjithçka ka ndodhur në vitin 2017, ku të akuzuarit i kanë ofruar portierit Kenny Stamatopoulos që të trukojë ndeshjen me Gothenburgun, kur ai ishte pjesë e AIK Stockholm. Sipas mediave angleze, portierit rezervë i ishin ofruar rreth 200 mijë euro për të lëshuar ndeshjen. – raporton “The Guardian”.
Jusufi ka qenë pjesë e Vllaznisë në vitet 2007-2009, duke luajtur në 8 ndeshje dhe ka shënuar vetëm 1 gol ndërsa është tërhequr nga futbolli i luajtur në vitin 2013.
