Gazetari Taulant Kopliku i është hakërryer personazheve të showbiz-it që dynden drejt destinacioneve turistike, dhe nga ana tjetër japin shembuj se si të qëndrojmë në shtëpi.
“Është e papranueshme, të shohësh çdo ditë nëpër portale, fotot këtyre tipave të showbiz-it, që shfaqen të pashqetësuar nëpër resorte bregdeti. Të njëjtit që bëjnë video morali nga shtëpia, duke i mësuar hallexhinjve sesi të rrijnë mbyllur. Dhe nuk është se qëndrojnë me kohë të plotë atje por e ndajnë javën sa në bregdet e sa në Tiranë. Por skandalozja është se këta aristokratë të rinj të atËdheut tonë të dashur, bëjnë 50 apo 150 km nga Tirana drejt destinacioneve turistike, pa u bezdisur aspak nga nje polici “strikte” e cila gjobit edhe një qen apo mace që sheh në rrugët e qyteteve,”– shkruan gazetari Taulant Kopliku në postimin e tij në Facebook.
Kujtojmë që pak ditë më parë ishte moderatorja Aulona Musta, e cila kritikoi në mënyrë të drejtpërdrejtë kolegët e saj, të cilët kishin thyer rregullat dhe i bënin karshillëk shqiptarëve me udhëtimet e tyre në bregdet. Fjalët e Aulonës u morën si një sulm kundrejt moderatores Arbana Osmani, e cila kishte shkuar të qetësohej në bregdet ndërkohë nga ana tjetër bënte video në shtëpi dhe u kërkonte ndjekësve të dilnin vetëm në raste urgjente.
