Në një intervistë të dhënë për La Gazzetta dello Sport, Faustino Asprilla ka komentuar, duke qeshur, transferimin nga Parma tek Juventus të Kulusevski-t për 44 milionë euro.
“Një lojtar i talentuar, por nuk befasohem nga çmimi, duke parë shifrat që qarkullojnë sot. Nëse ai kushton kaq shumë, atëherë Asprilla vlente 300!”, ka thënë ish-ylli i Parma-s.
Në lidhje me Serinë A: “Në vitet e fundit kemi parë një dominim të bardhezinjve, situata ishte bërë me të vërtetë e mërzitshme. Edhe në Kolumbi, të them të drejtën, po humbej interesi për futbollin italian. Këtë vit ishte gjithçka ndryshe. Nëse do të rifillojë kampionati, unë do të vija bast për Lazio-n. E meriton titullin”.
