Pesë punonjëse gra kanë rezultuar pozitive me Covid-19 në një fasoneri në Krujë. Burime për BoldNews.al bëjnë me dije se fasoneria është mbyllur sot pas rezultimit pozitiv të testit të punonjëseve.
Ende nuk ka njoftim zyrtar nga Ministria e Shëndetësisë.
Në Krujë 24 orët e fundit ishte vetëm 1 i prekur dhe pikërisht ky person ka infektuar edhe disa gra të kësaj fasonerie. Punonjëset i kanë shfaqur shenjat rreth 4 ditë më parë, por vetëm ditën e hënë dhe dje janë marrë tamponët.
Deri tani në Shqipëri janë 494 të infektuar me koronavirus. Disa ditë më parë pati një ulje të rasteve, por sot janë konfirmuar 19 të infektuar. Vatrat që vijuan përhapjen e koronavirusit në vend, ishin Shkodra, Petrela në Tiranë dhe infermieri në Kukës.
Duket se një vatër e re është ka dalë në Krujë. Numri i saktë të të infektuarve do të konfirmohet nga Instituti i Shëndetit Publik.
