Mjeku infeksionist Pëllumb Pipero në një lidhje me “Repolitix” u shpreh se vendi e ka kaluar pikun e pandemisë tashmë, por duhet të mos ulet vigjilenca pasi gjysma e dytë do të jetë më e gjatë.
“Një javë e re me më pak numra, dëshmon një trend të rënies së epidemisë në vendin tonë, shpresojmë që të vijojë kështu edhe pse është e pamundur për të bërë parashikime.
Tani është java e tretë, kemi një rënie të numrave çka besoj fort se shkon në logjikën apo ecurinë e kësaj epidemie edhe në vendet e tjera dhe do të thotë se e kemi kaluar pikun dhe sheshpushimin. Besoj se kemi filluar uljen.Ulja do të jetë graduale, gjysma e dytë e kësaj epidemie do të jetë më e gjatë në kohë, duhet të mos ulet vigjilenca” tha ai.
