Dibra ishte në qendër të debateve mes mazhorancës dhe opozitës në Komisionin Parlamentar të Sigurisë. Por jo për rezultatin, por më shumë për situatën e kultivimit të bimëve narkotike.
Flamur Noka që u angazhuan në betejën elektorale për Bashkinë e Dibrës tha se në atë zonë si në gjithë Shqipërinë sundon karteli i krimit. Ai tha se policia është e përfshirë në mbjelljen e kanabisit dhe se përplasjet për pazaret e drogës ku janë të implikuara edhe segmente të shtetit do të sjellin viktima.
“Nuk ka parcelë që nuk monitorohet nga punonjës policie të armatosur. Kam parë në Dibër shefin e komisariatit që kërcënonte qytetarët se kërkonin ujë për të vaditur arat, sepse ujin e donte për hashashin. Pazaret e drogës do kenë viktima, dhe pasojat do jenë të shpejta. Këtë e bën vetëm Edi Rama. Policia vjel taksën 30%. Policia gjen farën, ka dhënë kontribut në mbjellje tani edhe në vjeljen. Kam parë Agën që kishte mbjelle 12 dynym në fshatin e vet. Keni çuar policinë në parcelat që s’kanë paguar 30%. Kush paguante nuk e preknit. Ky është shteti që po ndërtoni, është shtet kriminal”, tha ish-ministri i Brendshëm.
