Policia e Tiranës vijon hetimin për të zbardhur motivet që çuan në dhunimin e biznesmenit të huaj pasditen e se shtunës.
Sipas Abc News, hetimet përforcojnë edhe njëherë se shkak është pronësia.
Fadi Mitri do të ndërtojë në Gjirin e Lalzit një resort gjigand. Por ky investim është kundërshtuar nga banorët e Gjirit të Lalzit. Disa prej të cilëve janë shoqëruar në polici për rrahjen e investitorit të huaj.
Ai u godit nga tre persona që dyshohet se janë nga fshatrat e Durrësit dhe janë me precedentë penal.
Ata e kane goditur disa herë në kokë dhe në gjymtyre me shkop bejsbolli ku dhe i kanë thyer një këmbë.
