Disa ditë më parë, 6 zyrtarë të lartë të Barcelonës u shkarkuan nga presidenti Josep Maria Bartomeu. Një ndër ta ishte edhe zv.presidenti Emili Rousaud.
Pas largimit nga klubi, Rousaud, hodhi akuza për keq menaxhimin e klubit katalanas madje duke akuzuar drejtpërsëdrejti presidentin, Bartomeu për “futjen e duarve” në financat e klubit.
Si rrjedhojë duke iu përgjigjur këtyre akuzave të forta, Barcelona ka vendosur ta hedhë në gjyq ish zv-presidentin e saj.
“Përballë akuzave të rënda dhe të pabazuara të bëra nga Z. Emili Rousaud, ish-nënkryetari i klubit, Bordi i Drejtorëve mohon kategorikisht çdo veprim që mund të përshkruhet si korrupsion dhe kanë rënë dakord të bëhen verifikimet e nevojshme”.
“FC Barcelona nuk mund të tolerojë pretendimet që dëmtojnë seriozisht imazhin e institucionit. Pala akuzuese do të duhet të dëshmojë para gjykatës për provat që ata kanë pas një akuze të tillë.”
