Sot është zhvilluar seanca e parë gjyqësore me video konferencë me të pandehurit për vrasjen e Devi Kasmit.
Në Gjykatën e Posaçme kundër korrupsionit dhe krimit të organizuar ka nisur gjykimi në themel ndaj grekut Eftimiu Eftimiu nga burgu i Peqinit dhe Elton Halipaj nga burgu 313 sipas nenit 4 të Aktit Normativ.
Por dy të pandehurit deklaruan se nuk duan që gjykimi të vijojë online e në bazë të nenit 3 gjykimi i tyre u pezullua.
Ata akuzohen për vrasjen e Devi Kasmit. Ky i fundit u vra më 29 janar të këtij viti në derën e shtëpisë së tij. Ai u qëllua disa herë me pistoletë në kokë dhe trup. Si ekzekutues është i pandehur shtetasi grek Eftimiu Eftimius.
Vrasja ka dyshime se ndodhi për prishje të pazareve të kokainës në Francë dhe Spanjë. Edhe gjatë kontrollit të banesës së Kasmit u gjet 3 kilogramë kokainë, 300 gramë drogë LSD dhe një armë automatike.
