Cristiano Ronaldo normalisht është tepër aktiv nëpër rrjetet sociale. Ai ndan me fansat e tij momentet e tij më të veçanta apo sukseset në fushën e lojës.
Në këto ditë izolimi për shkak të coronavirusit, ai ka qenë edhe më pranë njerëzve që e ndjekin, duke shpërndarë video apo foto të ndryshme familjare. Pikërisht këtë ka bërë edhe pak momente më parë, ku portugezi duket se vazhdon të stërvitet fuqishëm, por këtë herë ka përdorur një metodë të ndryshme.
Në video ai shihet teksa është në shoqërinë e dy fëmijëve të vegjël dhe në një moment fillon të stërvitet me ta duke i përdorur si pesha për trupin.
