Një 38-vjeçare nga Istogu ka ndërruar jetë nga COVID-19 në Kosovë, duke e çuar në tetë numrin e viktimave nga koronavirusi.
Ajo ishte konfirmuar me COVID-19 pasi ishte opreuar dhe prej ditës së djeshme ishte në gjendje të rëndë.
Drejtori i Klinikës së Kirurgjisë Abdominale, Ferat Sallahu, ka konfirmuar për mediat vendase se 38 vjeçarja dje ishte pranuar në gjendje të rëndë shëndetësore dhe ishte futur urgjentisht në operim.
Sallahu ka thënë se asaj paraprakisht i ishte dërguar mostra për Covid dhe pasi ishte konfirmuar ajo ishte referuar për trajtim në Klinikën Infektive.
Sallahu më tej ka bërë të ditur se 18 persona të personelit shëndetësor në Kosovë 5 prej tyre mjekë dhe pjesa tjetër staf i mesëm shëndetësor janë vetizoluar pas këtij rasti
