Sulmuesi i Milanit, Zlatan Ibrahimoviç, ditën e sotme është parë sërish në stërvitje me klubin e Hammarby, aty ku ai zotëron 25% të aksioneve.
Masat për të luftuar pandeminë e coronavirusit janë më të lehta në Suedi, duke i lejuar kështu Ibrahimoviç-it të stërvitet në Stokholm.
Sikurse shihet edhe në fotot e mëposhtme, sulmuesi i shquar nuk njeh ndalesë, izolim dhe frikë nga virusi i rrezikshëm. Edhe pse në moshën 38-vjeçare, ai vazhdon të mbetet një nga profesionistët më të mëdhenj të lojës, madje ndoshta duke i shuar edhe zërat për një tërheqje të mundshme në fundin e sezonit.
