Drejtori i Komunikimit Publik te Lazio, Arturo Diaconale, nuk ngurron të “thumbojë” sërish Juventusin, këtë herë duke marrë shkas nga stërvitja e Ronaldos në stadium.
“Në Itali stërvitjet janë ndalur të paktën deri më 3 maj dhe lojtarët tanë qëndrojnë të mbyllur, por ka skuadra të tjera që do të jenë pak më të favorizuara nga kjo situatë. Kjo pasi nëse futbollistët e Lazios stërviten në shtëpi, Ronaldo kishte dalë të vijonte përgatitjen në një fushë të bukur futbolli. Shumë lojtarë të Juves janë jashtë Italisë dhe mund të stërviten të qetë, ndaj ky do të jetë një avantazh për ta, kur të rifillojnë përgatitjet”, tha Diaconale.
Kujtojmë që Lazio ka bërë një “luftë të fortë” për të mos penguar zhvillimin e seancave stërvitore, me arsyetimin se në Romë situate është e qetë, por klubet e tjera italiane kanë kundërshtuar kërkesat e numrit një të bardhekaltërve, Claudio Lotito.
