“Unë ua kam borxh jetën time” Këto janë fjalët falenderuese që ka thënë kryeministri i Britanisë, Boris Johnson për mjekët dhe infermierët, duke vlerësuar kujdesin shembullor që ka marrë gjatë trajtimit të tij nga koronavirusi.
Duke përmendur punën e mjekëve në Spitalin St Thomas në Londër, kryeministri u ka thënë miqve: “Unë nuk mund t’i falënderoj sa duhet ata.”
Të Shtunën, Downing Street tha se Kryeministri po bënte përparime në shërimin e tij pasi doli nga kujdesi intensive. Ai po kalonte kohën duke luajtur lojra dhe duke parë filma nga shtrati i tij i spitalit.
Frika u rrit për shëndetin e Johnson kur u transferua në kujdes intensiv të Hënën pasi gjendja e tij u përkeqësua. 55-vjeçari kaloi tre netë atje para se Downing Street konfirmoi se ishte në “fazën e hershme të shërimit të tij”.
E fejuara e Z. Johnson, Carrie Symonds, e cila është shtatzënë me fëmijën e parë së bashku, i dërgoi atij letra dhe ekon e fëmijës për t’i ngritur humorin gjatë kohës kur ishte në kujdesin intensiv. Çifti nuk e kanë parë njëri-tjetrin që kur është ai është shtruar në spital.
