Një ilaç antiviral, i prodhuar për të luftuar kundër Ebolas, ka treguar të dhëna premtuese se mund të kurojë koronavirusin e ri.
Sipas Daily Mail, testimet e para janë bërë në një grup të vogël me pacientë të sëmurë rëndë me Covid-19.
Ata u përmirësuan pasi morën ilaçin eksperimental Remdesivir.
Megjithatë, ende nuk dihen cilat janë shanset e efektshmërisë së ilaçit për shkak se nuk ka një grup krahasimor.
Rezultatet janë publikuar në revistën mjekësore ‘Neë England Journal of Mecidine’.
Këto janë rezultatet e para testuese për ilaçin Remdesivir, i cili është thënë edhe më herët se mund të luftojë koronavirusin.
Pavarësisht se ka shkaktuar 100 mijë viktima, akoma nuk ka një ilaç që kuron në mënyrë efektive koronavirusin e ri.
Megjithatë shkencëtarë në mbarë botën po punojnë në mënyrë të ethshme për të gjetur një kurë të mundshme. Pesë studime të mëdha po bëhen vetëm për ilaçin Remdesivir.
