Legjenda e Manchester United, Rio Ferdinand, ka zbuluar se i ishte dhënë mundësia e transferimit te skuadra e Barcelonës, ndërsa luante për Man.United.
Siç tregon anglezi për “BT Sport” qëndrimi i tij në “Teatrin e Ëndrrave” ishte pothuajse i rrezikuar, pasi Barcelona atëherë në drejtimin e Frank Rijkaard këmbëngulnin ta merrnin në “Camp Nou”.
Kur u pyet për lidhjet e tij me Barcelonën Ferdinand tha:
“Isha shumë afër kalimit atje. Ka pasur diskutime me agjentin tim, Barça ishte mjaft këmbëngulëse. Unë do të flisja me Riijkard, jo për të shkuar atje, por për t’i dëgjuar ndjenjat e tij. Kjo ndodhi në të vërtetë pas ndeshjes me Barcelonën, ku barazuam 0-0.
“Në tunel, pas ndeshjes, folëm. Unë gjithmonë thosha se do të shkoja jashtë shtetit e të luaja, por e vetmja gjë që do të më ndalonte ndonjëherë ishte suksesi në shtëpi. Dhe isha me fat që gjeta një klub të shkëlqyeshëm si Manchester United, prej nga ishte pothuajse i pamundur largimi im. Ne e mposhtëm Barcelonën dhe u bëmë kampionë evropianë. Pra, nuk kisha pse të lija kampionët evropianë e të shkoja në një ekip tjetër”.
