Gjykata e Posaçme ka caktuar Institutin e Shëndetit Publik dhe soitalin e burgjeve që t’i kryejnë analizat e COVID-19 ish-nëndrejtori të spitalit të Sarandës, Florenc Llanaj.
Ky vendim vjen disa ditë pas kërkesës së avokatit të tij Arbër Hoxha.
Përmes avokatit, Llanaj iu drejtu GjKKOK-së duke kërkuar ndryshimin e masës së sigurisë nga “arest me burg” në “arrest shtëpie” dhe për këtë dha dy argumente:
avokati i Llanajt shpjegon se ai duhet të vendosë lente duke prekur sytë për shkak të problemeve me shikimin dhe rrezikon që në qeli të marrë koronavirusin duke qenë se ai ngjitet edhe përmes kontaktit. Krahas kësaj, avokati i Llanajt thekson se ky i fundit ka patur simptoma të dukshme si ato të koronavirusit si kollë, temperaturë, diarre dhe probleme të lehta me frymëmarrjen.
Llanaj u arrestua si i dyshuar se bënte pjesë në grupin kriminal që merrej me trafikun e drogës nga Shqipëria në Greqi.
