Marco Reus pjesën më të madhe të karrierës së tij e ka kaluar te Borussia e Dortmundit. Dikur Reus konsiderohej si një nga talentet më premtues në botën e futbollit dhe për këtë arsye, lojtari ka qenë në “radarin” e bavarezëve për një kohë të gjatë.
Këtë e pranon vetë 30-vjeçari, i cili duke folur për “Bild”, ka rrëfyer interesimin e Bayernit në kohën kur futbollisti luante me Mönchengladbach. Sipas tij refuzimi i ofertës ka ardhur vetëm pasi Dortmundi ishte skuadra e tij e zemrës.
“Kërkesa erdhi (nga Bayern), ashtu siç erdhën edhe nga klubet tjera. Unë kam respektin më të madh për Bayern Munich dhe atë që klubi ka bërë për dekada”, ka deklaruar Reus për Bild.
“Por unë gjithmonë kam dashur të luaj për Dortmundin. Gjithmonë ishte klubi që zemra ime tërhoqi”.
“Fillimisht kur luaja në Gladbach, gjithçka ishte e qartë për mua: brenda Bundesligës, do të ndryshoja skuadër vetëm për Dortmund, përndryshe do të shkoja jashtë vendit”.
