Kapiteni i Fiorentinës, German Pezzella, ka rrëfyer përvojën e tij të koronavirusit. Mbrojtësi argjentinas, fatmirësisht tani është shëruar nga virusi, ndërsa duke folur për “Ole”, 28-vjeçari ka deklaruar:
“Nuk ishte aspak e lehtë, mendoja me veten nëse do të zgjohesha i gjallë të nesërmen pasi kisha vështirësi në frymëmarrje. Unë u përpoqa të qëndroja i qetë, në mënyrë që të mos transmetoja frikë tek njerëzit që i dua, por nga brenda , kur jeni në shtrat dhe shikoni në tavan, filloni të mendoni për më të keqen, shumë pyetje lindin”.
“Tani që e di që jam shëruar është një lehtësim i madh, por momenti që po jetojmë nuk na bën të ndihemi të qetë gjithsesi”.
