Jurgen Klopp e drejtoi skuadrën e Borussias së Dortmundit për shtatë sezone (2008-2015).
Gjatë viteve të para si tekniku i verdhezinjve, siç tregon vetë tekniku gjerman, një futbollisti i ri kishte ardhur të provohej në skuadrën e tij. Ai ishte ylli aktual i skuadrës së Liverpooli-it, Sadio Mane.
Duke folur në një dokumentar kushtuar jetës së Sadio Manes, tekniku gjerman deklaroi se përshtypjet e para për Manen ishin negative, ndërsa duke parë dhe karrierën aktuale të senegalezit pranon se u gabua.
“Më takohet takimi i parë me Sadio. Isha në Dortmund. Pashë të ulur një djalë të ri me një kapele bejsbolli të kthyer mbrapsht. Mu duk më shumë si një repist dhe thashë me vete s’kam kohë të merrem me këtë, nuk i kushtova vëmendje”.
“Në atë kohë te Dortmundi më nevojitej dikush që të pranonte stolin e rezervës fillimisht, dikë të cilin mund ta zhvilloja dhe të them të drejtën Mane nuk më pëlqeu. Mund të them që zakonisht përshtypjet e para më rezultojnë të sakta, por në këtë rast u gabova. Më pas ndoqa karrierën dhe suksesin e tij te Salsburg ndërsa te Southhampton ai thjesht dominoi”.- ka thënë Klopp.
