“Vetëm disiplinimi i plotë këtë javë na hap shtegun për lehtësimin me pikatore.”
Kështu shprehet kryeministri Edi Rama në një postim në rrjetet sociale.
Kreu i qeverisë bën me dije se brenda ditës së sotme është gati rritja e ndëshkimeve, për masat kufizuese që parandalojnë përhapojen e COVID-19. dhe sipas tij rritja e ndëshkimeve do i hap rrugë lehtësimeve shkallë-shkallë.
Kujtojmë se kryeministri Rama ka paralajmëruar se rritja e ndëshkimeve do të shkojë deri në heqje të lirisë së personave që thyejnë rregullat e karantinës.
Nërkohë që numri një i qeverisë ka shpërndarë dhe disa foto nga tregu në zonën e Kombinatit në Tiranë ku Policia dhe Ushtria duket se kanë vendosur rregullin, pasi gjatë dy fundjavave të fundit, ka pasur një dyndje të qytetarëve pa masa mbrojtëse dhe pa respektuar distancimin social, që konsiderohen si rregullat kryesore për mospërhapjen e Covid-19.
