Këngëtari i njohur Ermal Fejzullahu ka folur pasditen e djeshme për jetën e tij në karantinë, ku ka treguar se si kalon ditën. Në një lidhje në “Skype” në emisionin “E Diell” në Top Channel, këngëtari tha se gjatë këtyre ditëve të karantinës, si pasojë e koronavirusit, ka mbajtur një regjim të mirë diete.
Këngëtari tha se i mungon puna, publiku, por gjithsesi ndihet i kënaqur që ka shpenzuar kohë të vyer pranë familjes. I pyetur nga Edi Manushi, se çfarë ka lënë pas dore gjatë kohës së karantinës. Ermali u shpreh që ndihet mirë që ka hequr dorë nga alkooli gjatë kësaj periudhe dhe kjo e bën të ndihet më shëndetshëm.
“Kam hequr dorë nga alkooli, nuk kam pirë asnjë gotë verë këto ditë”– tregoi ai. Po ashtu ai shtoi se është bërë shumë i “devotshëm” ndaj punëve të shtëpisë, pasi është marrë me rregullimin e disa orendive dhe pajisjeve shtëpiake.
