Bayern Munich ditën e sotme do të rikthehet në stërvitje, pavarësisht se ende nuk ka një datë për rinisjen e kampionatit. Futbollistët e Hans-Dieter Flick, do të nisin përgatitjet duke respektuar disa rregulla kundër koronavirusit.
Kështu sipas “L’Equipe”, skuadra bavareze do të stërvitet e ndarë në katër fusha. Lojtarët do të punojnë në 5 grupe dhe secili grup do të ketë nga 4 futbollistë.
Ndryshime janë bërë edhe në dhomat e zhveshjes, teksa lojtarët do të kenë një dhomë të veçantë për t’u ndërruar. Ata mund të ushqehen në fund të çdo seance stërvitore, teksa dushet do i bëjnë në shtëpitë e tyre.
