Ylli Manjani, ish-ministër i Drejtësisë, ka reaguar ndaj deklaratave të një dite më parë nga Kryeministri Edi Rama, lidhur me mundësitë për legalizimin e hashashit mjekësor në Shqipëri.
Manjani shkruan se Rama e ka ka të pamundur të çlirohet nga narko-mendësia.
“Nuk mund të ishte e rastësishme gjithë ajo sasi hashashi e mbjellë dhe, as gjithë ato tonelata kokainë e sjellë këtu për përpunim.
Është pikërish kjo mendësi narko-ekonomiko-politike që e bëri vendin ku jetojmë një Narko-vend!
Synimi është të krijohet një narko-shoqëri. E gjitha e turbulluar, që i bindet kollaj urdhërave të bosit, i cili nga ana tjetër ka në dorë mbijetesën e çdo anëtari të shoqërisë”, shkruan Manjani.
Reagimi i ish-ministrit ka ardhur, pasi Kryeministri Edi Rama deklaroi në “Zonë e Lirë” se do të bëhet legalizimi, por vetëm për përdorimin mjekësor të hashashit dhe jo për përdorimin masiv nga qytetarët.
“Atë pa leje nuk e lejojmë, atë me leje po e studiojmë. Jemi të avancuar, por akoma nuk jemi në kapitullin e fundit”, tha Rama.
Idea për legalizimin e hashashit mjekësor është hedhur rreth 6 vjet më parë nga Koço Kokëdhima, i cili ka qenë një prej bashkëpunëtorëve të afërt të Ramës dhe miqve të tij, madje konsiderohej si “beu i jugut” për shkak të ndikimit që kishte në atë kohë në pothuajse të gjitha zonat jugore.
Postimi nga Ylli Manjani
E ka të pamundur të çlirohet nga narko-mendësia. Nuk mund të ishte e rastësishme gjithë ajo sasi hashashi e mbjellë dhe, as gjithë ato tonelata kokainë e sjellë këtu për përpunim.
Është pikërish kjo mendësi narko-ekonomiko-politike që e bëri vendin ku jetojmë një Narko-vend!
Synimi është të krijohet një narko-shoqëri. E gjitha e turbulluar, që i bindet kollaj urdhërave të bosit, i cili nga ana tjetër ka në dorë mbijetesën e çdo anëtari të shoqërisë.
Ndaj nuk ka se si Europa të mos na fusë në hartën e narko-tradikut.
Kam qenë e mbetem kundër këtij projekti anti-shtet!
Jam thjesht kurioz se me çfarë surrati so t’i flitet familjeve të viktimave të Hashashit, punonjësve të policisë të rënë në detyrë veçanërisht, në gjithë këto vite..! 😔😔😔
Me ç’llogjikë u thonë njerëzve “lini duhanin”(thirrje me vend kjo), që të fillojnë Hashashin masivisht?!!!!
Dhe më në fund, fakti që ka shtete që e legalizojnë prodhimin e hashashit nuk është aspak argument, por justifikim. Sepse ata që e bëjnë këtë biznes të kontrolluar janë SHTET si fillim. Kusht ky që në rastin tonë mungon.
As me shtetin e Maqedonisë nuk krahasohemi dot, na pëlqen ose jo! Ju kujtoj që Maqedonia është duke çelë negociatat pa asnjë kusht me perëndimin, sepse punët e shtetit i ka të ndara nga pushteti.
