Një studim i ri i publikuar në revistën TIME arriti në përfundimin se njerëzit që pinë rregullisht kafe (ata që pinë më pak se 5 filxhanë në ditë) kanë më pak rrezik të vdesin herët për shkak të shkaqeve të ndryshme.
Por kjo nuk do të thotë domosdoshmërisht se kafja është përgjigja për jetëgjatësinë. Por studiuesit zbuluan se ata që pinë kafe rregullisht kanë më pak gjasa të vdesin herët pas një studimi 30-vjeçar të bërë, nga shkaqe të ndryshme si sëmundjet e zemrës, diabeti, vetëvrasja apo shëndeti i trurit. Megjithatë këto gjetje tregojnë vetëm një lidhje, dhe nuk mund ta konfirmojnë plotësisht që kafja është drejtpërdrejt përgjegjëse për rrezikun e reduktuar të vdekjes nga këto shkaqe. Por shkencëtarët raportojnë se shumë element në kafe janë të njohura për ndihmën që japin në uljen e insulinës apo reduktimin e inflamacionit, që si rezultat sjellin shëndet më të mirë.
Studiuesit studiuan disa grupe të mëdha njerëzish, rreth 208 mijë burra e gra. Ata i pyetën për zakonet e pirjes së kafes në tre dekadat e fundit. Lidhja mes konsumimit të kafes dhe një rreziku më të ulët të vdekjes, u theksua edhe më shumë tek njerëzit që nuk kishin pirë kurrë duhan.
Ajo që është interesante, është se hulumtuesit zbuluan se ulja e rrezikut të vdekjes ishte e ngjashme si tek njerëzit që konsumonin kafe me kafeinë ashtu edhe për ata që konsumonin kafe pa kafeinë. Pra sipas studiuese kafja përmban përbërës të tjerë përveç kafeinës që mund të luajnë një rol të dobishëm në shëndetin e njeriut.
Por si me çdo ushqim tjetër ajo që duhet të kemi parasysh është moderimi, pra konsumimi i kafes me karar. Për aq kohë sa nuk e tejkaloni këtë masë, rezultatet e mira shëndetësore do të vihen në dukje.