Cristiano Ronaldo i është përgjigjur ironikisht Xavi-t, i cili duke u shprehur në lidhje me duelin e përjetshëm mes portugezit dhe Messit, pati thënë: “Problemi i Cristianos është se ka një tjetër, i cili quhet Messi dhe është më i miri i të gjitha kohërave”.
Në përfundim të ndeshjes së fituar nga Real Madrid, me rezultatin 5-2 ndaj Osasunas, Cristiano deklaroi: “Futbollisti më i klikuar në internet jam unë. Futbollisti që është gjithmonë nëpër kopertina jam unë. Nuk më intereson ajo që thotë Xavi. Unë nuk e di as nëse ai luan në Katar, apo në ndonjë vend tjetër të botës. Ai ka fituar gjithçka, por nuk ka fituar asnjë trofe “Topi i Artë”, ndërsa unë kam fituar tre të tillë”.
