Edhe pse momentalisht futbolli është ndalur dhe merkato e transferimeve në verë ka shumë pikëpyetje, përsëri bisedimet për të transferuar lojtarë nuk ndalen kurrë.
Skuadra e cila duket se po punon shumë në këtë pauzë të kampionatit, është Barcelona, të cilët prej kohësh janë vënë pas sulmuesit të Interit, Lautaro Martinez. Drejtuesit e skuadrës spanjolle duan me çdo kusht sulmuesin argjentinas dhe për ta arritur këtë kanë përgatitur një ofertë të pa rezistueshme.
Siç raportojnë mediat italiane, katalanasit, do të paguajnë klauzolën e largimit të lojtarit prej 111 milionë eurosh, ndërsa për lojtarin janë gati 7 milionë euro në sezon.
Nga ana tjetër, Interi, kurrsesi nuk dëshiron të heqë dorë nga shërbimet e talentit 22-vjeçar, por siç kanë deklaruar drejtuesit e klubit, asnjë futbollist nuk do të qëndrojë pa dëshirën e tij, duke ia kaluar kështu “topin” pikërisht Lautaro Martinezit.
