Aktori i humorit Ermal Mamaqi i ka kushtuar një këngë mjekut infeksionist Pëllumb Pipero i cili gjatë gjithë kësaj kohe ka ndihmuar qytetarët me këshillat e tij duke dhënë informacione vazhdimisht për koronavirusin.
I ftuar mbrëmjen e djeshme në “Open”, Pipero qeshi kur në sfond iu vendos kënga e Ermalit. Mjeku komunikoi live me Ermalin duke treguar se ata njihen personalisht.
“Me profesorin kemi njohje, jemi miq, Pëllumb Pipero është ëndrra e çdo fisi sepse besoj të gjithë do donin ta kishin dajë apo xhaxha për t’u konsultuar. Tani po mendoj t’i bëj një film”, tha Ermali.
Ndërsa Pipero me humor tha se ai ishte ”daja”.
“Kushedi sa vite kam pa e takuar, flasim kryesisht me mesazhe, sikur e kam tani këtu në tavolinë, ekipi i sëmundjes infektive i ka të gjitha meritat, është një ekip fantastik”, u shpreh Pipero.
View this post on Instagram
