E ndërsa Federata Shqiptare e Futbollit hesht për akuzën e rëndë të UEFA-s ndaj Skënderbeut për trukimin e ndeshjeve, Prokuroria nga ana tjetër ka vendosur të hetojë të gjithë emrat e përmendur në dosjen
FSHF pas daljes së raportit të Uefas ka bërë një sqarim publik ku deklaron se po pret vendimin e arsyetuar të CAS për Skënderbeun.
Ndërkohë nëse klubi korçar do të dënohet edhe në Shqipëri, rrezikon penalizime të rënda.
Sipas rregullores së Federatës Shqiptare të Futbollit nëse faktohet që një ekip ka trukuar rezultatin e ndeshjeve atëherë ky ekip dënohen me rënien nga kategoria dhe në rast se ka fituar ndonjë trofe edhe me heqjen e tij.
Skënderbeu është shpallur 6 herë radhazi kampion në Kategorinë Superiore që nga sezoni 2010-2011 e deri në atë 2015-2016. Po pikërisht në këtë periudhë janë edhe ndeshjet e cilësuara sit ë manipuluara nga UEFA, ndaj nëse FSHF merr për bazë këtë raport atëhere Skënderbeu rrezikon me heqjen e të gjithë titujve të fituara si dhe rënien në kategoritë inferiore.
Për të marrë këtë vendim në FSHF organi kompetent është Komisioni i Etikës, që ende nuk është mbledhur për të hetuar mbi raportin me 41 ndeshje të quajtura nga UEFA si të trukuara në kampionatin shqiptar.
